ಶಿವಮೊಗ್ಗದಲ್ಲಿ ಡ್ರೈನೇಜ್ಗೆ ಬಿದ್ದ ಬೈಕ್: ಅದೃಷ್ಟವಶಾತ್ ಸವಾರ ಪಾರು
ಶಿವಮೊಗ್ಗ: ಅವೈಜ್ಞಾನಿಕ ಸ್ಮಾರ್ಟ್ ಸಿಟಿ ಕಾಮಗಾರಿಯಿಂದಾಗಿ ನಗರದಲ್ಲಿ ನಿತ್ಯ ಜನರು ಒಂದಲ್ಲಾ ಒಂದು ಸಮಸ್ಯೆಗೆ ಒಳಗಾಗುತ್ತಿದ್ದಾರೆ.
ಕೆಲಸ ಮುಗಿಸಿ ಬೈಕ್ನಲ್ಲಿ ಮನೆಗೆ ಮರಳುತ್ತಿದ್ದ ವ್ಯಕ್ತಿಯೋರ್ವ ಡ್ರೈನೇಜ್ಗೆ ಬಿದ್ದಿದ್ದು, ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ಶಿವಮೊಗ್ಗ ನಗರದ ಜೈಲ್ ರಸ್ತೆಯಲ್ಲಿ ಈ ಘಟನೆ ನಡೆದಿದೆ.
(ಗುರುವಾರ) ರಾತ್ರಿ 10-40ರ ವೇಳೆಗೆ ಕೆಲಸ ಮುಗಿಸಿ ಬೈಕ್ನಲ್ಲಿ ಮನೆಗೆ ಮರಳುತ್ತಿದ್ದ ವ್ಯಕ್ತಿಯೋರ್ವ ಸ್ಮಾರ್ಟ್ ಸಿಟಿ ಅವೈಜ್ಞಾನಿಕ ಕಾಮಗಾರಿಯಿಂದಾಗಿ ಡ್ರೈನೇಜ್ಗೆ ಬಿದ್ದಿದ್ದಾನೆ.
ಡ್ರೈನೇಜ್ಗೆ ಬಿದ್ದ ಬೈಕ್..
ನಗರದ ಜೈಲ್ ರಸ್ತೆಯಲ್ಲಿ ದೊಡ್ಡ ದೊಡ್ಡ ಡ್ರೈನೇಜ್ಗಳನ್ನು ಅಗೆದು ಹಾಗೇ ಬೀಡಲಾಗಿದೆ. ಅಂದಾಜು 8 ಅಡಿ ಆಳ 7 ಅಡಿ ಉದ್ದ ಹಾಗೂ 4 ಅಡಿ ಅಗಲ ಇರುವ ಈ ಡ್ರೈನೇಜ್ನಲ್ಲಿ ಬೈಕ್ ವಾಹನ ಸವಾರ ಬಿದ್ದಿದ್ದಾನೆ. ಅದೃಷ್ಟವಶಾತ್ ಬೈಕ್ ಸವಾರ ಪ್ರಾಣಾಪಾಯದಿಂದ ಪಾರಾಗಿದ್ದು, ಬೈಕ್ ಜಖಂಗೊಂಡಿದೆ. ಡ್ರೈನೇಜ್ಗಳನ್ನು ಮಾಡಿ ಮುಚ್ಚದೇ ಇರುವುದೇ ಈ ಅವಘಡಕ್ಕೆ ಕಾರಣ ಎನ್ನಲಾಗ್ತಿದೆ.
