“ಆತ್ಮಶ್ರೀ ಕನ್ನಡ ರಾಜ್ಯೋತ್ಸವ” ಪ್ರಶಸ್ತಿ ಪ್ರದಾನ

ಸಂಜೆ ಪ್ರಭ ಬೆಂಗಳೂರು: ಆತ್ಮಶ್ರೀ ಕನ್ನಡ ಸಾಂಸ್ಕೃತಿಕ ಪ್ರತಿಷ್ಠಾನದ ವತಿಯಿಂದ ಡಾ.ಗುಣವಂತ ಮಂಜು ರವರ ನೇತೃತ್ವದಲ್ಲಿ ಇಂದು ಕನ್ನಡ ಭವನದ ನಯನ ಸಭಾಂಗಣದಲ್ಲಿ ನಡೆದ “ಕನ್ನಡ ಹಬ್ಬ” ಮತ್ತು ಸಂಗೀತ ಸೌರಭ” ವಿಶೇಷ ಕಾರ್ಯಕ್ರಮವು ಅದ್ದೂರಿಯಾಗಿ ನಡೆಯಿತು. ಹಿರೇಮಠ ಸುಕ್ಷೇತ್ರ ಚಬನೂರಿನ ಪರಮಪೂಜ್ಯ ಶ್ರೀಶ್ರೀಶ್ರೀ ರಾಮಲಿಂಗಯ್ಯ ಮಹಾಸ್ವಾಮೀಜಿರವರ ದಿವ್ಯಸಾನಿಧ್ಯದಲ್ಲಿ “ಸಂಜೆ ಪ್ರಭ” ಪತ್ರಿಕೆಯ ಉಪಸಂಪಾದಕರು ಹಾಗೂ ರಾಜ್ಯ ಬಿಜೆಪಿ ಮಹಿಳಾ ಮೋರ್ಚಾ ಮಾಧ್ಯಮ ಉಸ್ತುವಾರಿಗಳು ಹಾಗೂ ಕಾರ್ಯಾಲಯ ಕಾರ್ಯದರ್ಶಿಗಳಾದ ರಜನಿ.ವಿ.ಪೈಯವರಿಗೆ “ಆತ್ಮಶ್ರೀ ಕನ್ನಡ ರಾಜ್ಯೋತ್ಸವ” ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಯಿತು. ಈ ಸಂದರ್ಭದಲ್ಲಿ ಕರ್ನಾಟಕ ಗಡಿ ಪ್ರದೇಶ ಪ್ರಾಧಿಕಾರದ ಅಧ್ಯಕ್ಷರಾದ ಡಾ.ಸಿ.ಸೋಮಶೇಖರ್, ಖ್ಯಾತ ಸಾಹಿತಿಗಳಾದ ಡಾ.ಬೈರಮಂಗಲ ರಾಮೇಗೌಡ, ಬೆಂಗಳೂರು ನಗರ ಜಿಲ್ಲೆ ಅಬಕಾರಿ ಉಪ ಆಯುಕ್ತರಾದ ಡಾ.ಬಸವಲಿಂಗಯ್ಯ ಹಿರೇಮಠ್, ಕರ್ನಾಟಕ ಪ್ರೆಸ್ ಕ್ಲಬ್ ಕೌನ್ಸಿಲ್‌ ನ ಅಧ್ಯಕ್ಷರಾದ ಟಿ.ಶಿವಕುಮಾರ್ ನಾಗರನವಿಲೆ ಮುಂತಾದವರು ಉಪಸ್ಥಿತರಿದ್ದರು.